MENENE AURE ?

•                 Aure

• 
  Gamin Gambizar Sha’awa
  Tsakanin Ma’aurata Assalamu
  Alaikum jama’a, marhabin da
  sake haDuwar mu a cikin wannan
  fili, InshaAllah za mu tattauna kan
  matsalar gamin gambizar sha’awa
  tsakanin ma’aurata, da fatan Allah
  SWT Ya sa ya amfani ma’aurata
  da yawa, ya kuma kawo canji na
  alheri cikin rayuwar auren su,
  amin. Gamin gambizar sha’awa
  tsakanin ma’aurata wani yanayi
  ne da ke faruwa duk lokacin da a
  ka sami banbanci yanayin
  sha’awa tsakanin ma’aurata.
  Gamin gambizar sha’awa na da
  qofofi da dama ta inda ta ke
  kunno kai cikin rayuwar
  ma’aurata, misali, in sha’awar
  xaya ta fi ta xaya yawa, ko
  banbancin lokacin gabatarwa,
  yanayin gabatarwa da kuma
  banbacin abubuwan yi lokacin
  gabatarwar. Duk ta inda wannan
  matsala ta vullo, to ta kan jefa
  xaya ko duka ma’auratan cikin
  wani irin hali na qunci da qaqa ni
  ka yi. Mata ne su ka fi cutuwa da
  wannan matsalar a cikin rayuwar
  auren su sama da maza saboda
  kasancewar matsayin mace da
  irin rawar da ta ke takawa cikin
  rayuwar aure. In Maigida ya fi
  Uwargidan sa yawan buqatuwar
  sha’awa, dole ne ta yi ta haquri ta
  na yi, mafi yawan lokaci Maigidan
  ma bai san irin tsananin
  sadaukarwa da Uwargidan sa ke
  yi ba wajen ba shi haqqin shi,
  matan aure da yawa na faxar
  yadda su ke Ibadar aure don
  kawai su fita haqqin Mazan su:
  “Tunda na yi aure ban taba jin
  daxin Ibadar aure ba, yanzu
  kusan xiya na bakwai, kuma
  kullum ina cikin fargabar yin shi,
  mi ke kawo min haka?” “Ba najin
  sha’awa lokacin ibadar aure da
  miji na, ko me za mu yi ba na jin
  komai.” "Ina da matsala da
  maigida na, saboda bai yin wasa
  kafin ibadar aure, ni ko sai ina jin
  zafi, ko da yaushe ji na ke kamar
  ranar farko, haquri kawai na ke yi.
  Kuma ina son wasan, shi ne ba ya
  so. Me ye shawara, shin in rabu da
  shi ne?” Haka nan in aka rashin
  dace Uwargida ta fi Maigidan ta
  buqatuwa da sha’awa, to a nan
  ma wahalar ta fi yawa, domin
  bayan halin quncin hakan,
  wannan matsalar na kai wasu ga
  aikata ayyukan savo garin
  neman mafitar sha’awar su: “Miji
  na bai damu da yin ibadar aure
  ba ni kuwa ga shi na kasance mai
  tsananin buqatatuwa da ibadar
  auren, in abin ya dame ni sosai na
  kan kalli fina-finan turawa, shin
  yin hakan ba laifi?” -Safiya daga
  Kano. "Wata ran na kan ji
  sha’awar miji na amma sai na
  kasa gaya ma shi, kuma ina
  cutuwa, me ye mafita?" “Miji na
  ba ya son kusanta ta da Ibadar
  aure, sai mu yi wata ukku zuwa
  huxu kuma ni ina buqatar sa, ya
  zan yi dan Allah?” -Wata Baiwar
  Allah “Dan Allah Anti Nabila ki
  qara kira ga maza su runqa qoqari
  su na biya ma matan su buqatun
  su lokacin ibadar aure. Saboda ni
  dai ban yi dacen miji ba ta
  wannan fannin, ya wadatani da
  dukkan kayan qyale-qyalen jin
  daxin rayuwar duniya, amma a
  shekara bai fi ya kula ni sau ukku
  ba, na yi kuka har na gaji, na yi
  ma shi nasiha ba iyaka amma
  duk ba canji, Wallahi Anty gab na
  ke da in shiga wani hali, domin ni
  mace ce mai tsananin buqata, ki
  taimake ni da shawara dan
  Allah?” -H.Z, Kaduna Sannan su
  ma mazan su na cutuwa da shiga
  halin qaqa ni ka yi in Allah Ya yi
  matan da su ke aure ba ma su
  haquri ba ne balle har su daure su
  sadaukar da na su jin daxin don
  farantawa mazan su: "Duk lokacin
  da mu ke tare da mata ta, ba ni
  da ikon ta~a jikin ta sai ta ture
  hannu na, kuma ita har mu gama
  ibadar aure ba za ta ta~a jiki na
  ba, ba ta son ayi wasanni ko
  kadan, kuma ba ta jin nasiha.
  Wannan abin ya na damu na, a
  taimaka min da shawara." Ahmad
  Kano "Me ke sa wasu matan sai
  su runqa nuna kamar an matsa
  ma su duk lokacin da aka neme
  su, ko su faxi wata baqar
  maganar har mutum ya ji ya
  fasa? Ya za a gane irin wadannan
  mata don a kauce ma su, kuma in
  mutum ya riga ya aura menene
  mafita? Domin irin wannan ya sha
  kashe aure kuma a rasa dalilin
  mutuwar sa." Idris, Kano "Ina da
  sha’awa sosai, fahimtar haka ta sa
  aka yi min aure da wuri sai dai
  ban yi dacen mata ba, don in zan
  yi wata ban kula ta ba ko a jikin
  ta, har cika baki ta ke da hakan,
  duk sai in ji na tsane ta. In na
  neme ta, ko ta amince to ban
  gamsuwa, shekaran mu sha xaya
  amma har yau ban san daxin
  aure ba, na tava qara aure amma
  na ga duk xaya su ke, me ye
  mafita?" Daga Kano Hanyoyin
  Tafiyar da Gamin Gambizar
  Sha’awa Zan fara gabatar da
  nasiha ga mazan da matan su su
  ka fi su buqatuwa da sha’awa,
  sannan don mugunta sai su share
  su har sai ranar da su su ka
  buqace su alhali su na sane
  dahalin da su ke ciki na tsananin
  buqatuwar sha’awa, su sani
  wannan ba jarumta ba ce,
  raggwanci ne na qarshe. Ya ku irin
  waxannan Magidanta, ku sani,
  babban jigon da a ka gina aure a
  kai, shi ne saduwar ibadar aure
  don biyan buqatar sha’awar juna,
  don haka in mace ta zan ba ta iya
  gamsar da namiji ko namiji ya zan
  ba ya iya gamsar da matar sa, to
  wannan qwaqwqwaran dalili ne
  na a raba auren don ta sami wani
  wanda zai iya gamsar da ita. Cikar
  mazantakar xa namiji shi ne ya
  kasance mai gamsar da iyalan sa
  ta ko wane irin fanni na rayuwar
  su amma musamman ma ta
  fannin ibadar aure. Ku sani, rayin
  xan’adam na iya daure ma
  dukkanin buqatuwar rayuwar
  duniya, amma ban da buqatuwar
  ibadar aure saboda da tsananin
  qarfin ta da girman ta, to meye
  amfanin auren da matan na ku su
  ke yi da ku in auren bai yi ma su
  maganin tsananin buqatuwar su
  ta sha’awa ba? Sai dai su runqa
  kallon kafirai su na zina don su
  rage zafi? Dubi irin haxarin da ku
  ke tura matayen ku a ciki? In har
  ku na son su don mi ba za ku
  sadaukar da ko da sau xaya a
  wata ne ba don warkar ma su da
  tsananin buqatuwar su? Wannan
  wane irin zalunci ne a ce ka aje
  lafiyayyar mace a gidan ka
  amma sau ukku kaxai ka ke
  waiwayar ta a shekara? Duk wani
  kayan jin daxin da za ka tanadar
  ma ta na banza ne tunda ga wani
  abu da ta fi so sama da komai,
  kuma ya kasance kai kaxai ne za
  ka iya ba ta shi, amma ka hana
  ta! Kun sani akwai halattattun
  hanyoyi da dama da za ku biya
  ma matan ku buqatun sha’awar
  su ba tare da lallai sai ku kun yi
  ibadar auren ba, to in kuwa akwai
  so ai ya kamata ayi wannan
  sadukarwas, ku tuna in ku ne ku
  ke cikin hali irin wanda matan ku
  su ke ciki za ku so ayi mu ku
  haka? A ji tsoron Allah dai!
  Mazantaka ba a qira, siffa ko
  halitta ta ke ba. Mazantaka a
  qwaqwalwa ta ke, don haka in ku
  na tunanin ku cikakkun mazaje ne
  ta kowa ne fannin to haka za ku
  kasance. In kuma ku na tunanin
  kun cika mazaje ne ta fannin biya
  ma matan ku buqatun masarufi
  kaxai amma ban da buqatun su
  na sha’awa to hakan za ku
  kasance. Kuma Ibadar aure ba
  biyan buqatar sha’awa ne kadai
  ribar ta ba, ta na sanya rahama
  da tausayi tsakanin ma’aurata
  kamar yadda ayoyin Alqur’ani
  mai girma su ka yi bayani.

ANNURIN ZUCIYA

 ANNURIN ZUCIYA

 
Haske kan bayyana a
dausayin zuciya a yayin
da duhu ke gaggawar
ficewa daga gare ta ba
tare da ba ta lokaci ba....
Kafin zuciya ta kafa tutar
samun nasarar cafke
ragamar son wanda take
so, za ka same ta ne
tsundum cikin duhu mai
tsanani sakamakon rashin
samun mai yayyafa mata
feshin sinadarin so a gonar
ruhi.... Ruhin dan-adam
yana kasancewa ne cikin
wani irin yanayi na
kwadayin samun mai kula
da shi a kowanne lokaci,
wannan dalilin ne ya sa
zuciya ke tsananin son
duk mai kyautata mata
da kuma kin duk mai
takura mata.....
Kasancewar zuciya ita ce
tubalin ruhi sannan kuma
na'urar dake kimtsa soye-
soyen ruhi, sannan kuma
ma'adanar sirri, tana
kasancewa ne a cikin wani
irin yanayi mai hasken
gaske da zarar ruhi ya
sami abin da yake
muradi.... Tsananin hasken
zuciya yana tasiri matuka
dan kuwa har fuska tana
iya bayyanawa da zarar
ka ga wadda ke cikin
shaukin so nan take za ka
iya ganewa... Duban
masoya : a lokacin da
masoya biyu suka
kasance tare akwai wani
irin satar kallo da masoya
ke aiwatarwa a
tsakaninsu, kallo ne mai
girgiza zuciya har sai
zuciya ta kakkabar da
duk wata damuwa da ta
makale a jikinta. Hakika
kallon yakan sanyaya
zuciya matukar
sanyayawa musamman
idan an cakuda kallon da
kalaman so masu gigita
wanda aka yi dominsa.... A
lokacin ne masoya za su ji
tamkar su kadai ne a
duniya saboda tsananin
farin ciki da ya dabaibaye
zuciyarsu, gami da
tsananin haske tamkar
farin zinare wanda aka
ajiye shi a hasken farin
wata.... Hasken zuciyar
masoya a irin wannan
yanayi wa ne hasken
walkiya, domin ita
walkiya haskawa daya
take yi ta bace, amma
zuciyar masoya kuwa
hasken zai kasance
zaunanne a ruhi tsawon
zamani. Mhm! Soyayya
hasken rayuwa, rashin
soyayya kuwa kuncin
rayuwa.... Shin wai ma a
rayuwa akwai abin da ya
fi soyayya dadi kuwa?
Amma fa soyayyar da
aka kafa gininta da
tubalin gaskiya ne kadai
hakan ke faruwa.... Amma
ka ga soyayyar da aka
gina ta da tubalin karya
kuwa sunanta rusasshiya,
sannan kuma ba ta haifar
da komai sai damuwa da
kunci da kuma shigar da
masu yin ta cikin halin
ha'ula'i. Hasken so na
gaskiya shi ne fitilar dake
haskaka zuciya, hasken
zuciya kuwa hasken
rayuwa ne.